प्राधिकरणको अभिकर्ता इजाजत शाखाले जीवन तथा निर्जीवन बीमा कम्पनीबाट प्राप्त परिक्षार्थी सम्बन्धी विवरणबारे शंकास्पद देखिएको अवस्थामा अभिकर्ता तालिम विभागसँग थप जानकारी माग गरिरहेको छ ।

प्राधिकरणले बीमा अभिकर्ता इजाजत पत्रको लागी बीमकले संचालन गर्ने परिक्षा सम्बन्धमा स्थलगत अनुगमन गर्ने जिम्मेवारी प्रादेशिक कार्यालयहरुलाई दिए पनि यसको अभ्यास शुरु भइसकेको छैन । प्रादेशिक कार्यालयहरुले सीमित श्रोत साधनको अभावमा अहिले कै अवस्थामा प्रदेश भरका जिल्लामा संचालन हुने अभिकर्ता इजाजत पत्र सम्बन्धी परिक्षाको स्थलगत अनुगमन गर्न असहज भएको गुनासो गरेका छन् ।

प्राधिकरण स्वयंमले परिक्षा संचालन गर्ने व्यवस्था कार्यान्वयनमा नआउँदासम्म तत्कालका लागी सम्बन्धित बीमकलाई नै परिक्षा संचालनको जिम्मेवारी दिएको छ । प्राधिकरणले नै परिक्षा संचालन गरेपछि पर्याप्त तालिम बिना नै परिक्षामा सहभागीमा गराउने अहिले देखिएको प्रवृत्तिमा अंकुश लाग्ने अपेक्षा गरिएको छ ।